MIN HEIMSTAD
Staden eg kjem frå er eit lite, avsidesliggande stykke Noreg.
Det er ikkje meir enn nokre generasjonar sidan Vinje faktisk var eit blankt merke på kartet – mykje på grunn av sin ugjestmilde natur. Det var vår villmark, på eit vis.
Urnorske folkesjela
På 1800-talet byrja turistar, folkeminnesamlarar og kunstnarar å strøyme til dette uoppdaga området. Her fann dei tradisjonar og levesett som virka arkaiske for utanforståande, og området fekk ei rolle som staden der den urnorske folkesjela manifesterte seg.
Viktig fødestad
Heilt fram til vår tid har Vinje i Telemark vore fødestad for tallause kunstnarar innan biletkunst, poesi, musikk og handverk. Det er i dette landskapet, og med denne historia som bakteppe, eg finn inspirasjon til arbeidet mitt.
